Axtarış

Krimnal xronika

tarixindən tarixinə
Gün ərzində törədilmiş 60 cinayətin üstü “isti izlər”lə açılmışdır
11 iyun 2021

Respublikanın daxili işlər orqanları tərəfindən gün ərzində törədilmiş 60 cinayətin üstü “isti izlər”lə açılmışdır.  

  • Əvvəlki dövrlərdən bağlı qalmış 14 cinayətin açılması təmin olunmuşdur.    
  • Axtarışda olduğuna görə ümumilikdə 71 nəfər, o cümlədən borclu şəxs qismində axtarışda olan 45 nəfər saxlanılaraq aidiyyəti üzrə təhvil verilmişdir.
  • Respublikanın avtomobil yollarında 1 yol-nəqliyyat hadisəsi baş vermiş, nəticədə 1 nəfər ölmüşdür.   
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 40, qanunsuz saxlanılan silah-sursatla bağlı 4 fakt müəyyən edilmişdir.
  • Cinayət törətməkdə şübhəli bilinən 64 nəfər saxlanılmışdır.

Cinayət Məcəlləsinin 144-cü (Adam oğurluğu) maddəsi ilə cinayət əməlini törətməkdə şübhəli bilinən E.Şirinzadə və M.Məmmədov saxlanılmışlar
11 iyun 2021

Abşeron Rayon Polis İdarəsinə müraciət edən Hökməli qəsəbə sakini olan qadın iyunun 10-da saat 19 radələrində əri Qədirin evdən getməsini, saat 20 radələrində ona zəng edərkən telefona cavab verən naməlum şəxsin ərinin 3700 manat pul borcunun olmasını və pulu qaytarmayana kimi onu buraxmayacaqlarını deməsini bildirmişdir.

Dərhal polis əməkdaşları tərəfindən müvafiq tədbirlər həyata keçirilmişdir. Araşdırmalarla Xırdalan şəhər sakini M.Məmmədovun, Gəncə şəhər sakini E.Şirinzadənin və digər bir nəfərin Qədiri zorla avtomobilə mindirib Xətai rayonu ərazisindəki mənzillərdən birinə apararaq orada döymələri, habelə həyat yoldaşına zəng edərək 5000 manat pul tələb etmələri müəyyən edilmişdir.

Polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində bu cinayət əməlini törətməkdə şübhəli bilinən E.Şirinzadə və M.Məmmədov saxlanılmışlar.
Faktla əlaqədar Cinayət Məcəlləsinin 144-cü (Adam oğurluğu) maddəsi ilə cinayət işi başlanmışdır. 

Bakı şəhər sakini E.Allahverdiyevdən “Makarov” markalı tapança götürülmüşdür
11 iyun 2021

Məlumat verildiyi kimi, Yasamal RPİ-nin 29-cu Polis Şöbəsinin əməkdaşları tərəfindən iyunun 6-da Ə.Əhmədov küçəsindəki yaşayış binasının qarşısında tapança patronuna aid 1 ədəd giliz və 2 ədəd güllə başlığı aşkar edilərək götürülmüşdür.

Araşdırmalarla iyunun 6-na keçən gecə naməlum şəxsin tapançadan açdığı atəşdən evin birinci mərtəbəsində yerləşən təkər təmiri sexinə və 2-ci mərtəbədə yerləşən 2 mənzilin eyvanlarının pəncərə şüşələrinə ziyan dəyməsi, xəsarət alanın olmadığı müəyyən edilmişdir.

Polis əməkdaşlarının keçirdikləri əməliyyat-axtarış tədbirləri nəticəsində bu cinayət əməlini törətməkdə şübhəli bilinən Bakı şəhər sakini, əvvəllər məhkum olunmuş E.Allahverdiyev müəyyən edilərək saxlanılmış, ondan “Makarov” markalı tapança götürülmüşdür.
Faktla əlaqədar Cinayət Məcəlləsinin 221-ci (Xuliqanlıq) maddəsi ilə cinayət işi başlanmışdır. 

İşğaldan azad edilmiş ərazilərə qanunsuz daxil olmaq istəyən 5 nəfər saxlanılıb
11 iyun 2021

Daxili işlər orqanlarının əməkdaşları tərəfindən işğaldan azad edilmiş, lakin minalardan və digər partlayıcı maddələrdən tam təmizlənməmiş ərazilərə müvafiq icazə olmadan, nəzarət postlarından kənar yolarla keçməyə cəhd göstərən şəxslərin qarşısının alınması istiqamətində tədbirlər davam etdirilir.

İyunun 11-də Kəlbəcər Rayon Polis Şöbəsinin əməkdaşları tərəfindən işğaldan azad edilmiş ərazilərə qanunsuz daxil olmaq istəyən 5 nəfər saxlanılıb. Onlar polis şöbəsinə dəvət olunub, profilaktiki söhbətlər aparılaraq mina və partlayıcı vasitələrin onların həyatı üçün təhlükə doğura biləcəyi barədə xəbərdarlıq ediliblər.

Həmin şəxslər barəsində inzibati tənbeh tədbiri tətbiq edilərək baxılması üçün rayon məhkəməsinə göndərilib. 

Bakı şəhər sakini Ə.Abdullayevin idarə etdiyi avtomobilə baxış zamanı ona və sərnişini olan paytaxt sakini M.Həsənliyə məxsus narkotik vasitələr aşkar edilərək götürülmüşdür
11 iyun 2021

Biləsuvar RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Bakı şəhər sakini Ə.Abdullayevin idarə etdiyi “Khazar” markalı avtomobil rayon ərazisində saxlanılmışdır. Avtomobilə baxış zamanı ona və sərnişini olan paytaxt sakini M.Həsənliyə məxsus, çəkisi 1 kiloqram 860 qram heroin və 257 qramdan artıq metamfetamin aşkar edilərək götürülmüşdür. 

Bakı şəhər sakini A.İbrahimovdan 8 qramdan artıq metamfetamin, 8 qramdan artıq heroin və 3 kiloqramdam artıq marixuana aşkar edilərək götürülmüşdür
11 iyun 2021

Xətai RPİ 34-cü PŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Bakı şəhər sakini A.İbrahimovdan 8 qramdan artıq metamfetamin, 8 qramdan artıq heroin və 3 kiloqramdam artıq marixuana aşkar edilərək götürülmüşdür.

Türkan qəsəbə sakini V.İsayevin həyətindən 126 ədəd çətənə kolu və 3 kiloqramdan artıq marixuana aşkar edilərək götürülmüşdür
11 iyun 2021

Xəzər RPİ 1-ci PŞ əməkdaşlarının keçirdikləri “Xaşxaş-2021” şərti adlı kompleks əməliyyat-axtarış və profilaktik tədbirlər nəticəsində Türkan qəsəbə sakini, əvvəllər məhkum olunmuş V.İsayevin həyətindən 126 ədəd çətənə kolu və 3 kiloqramdan artıq marixuana aşkar edilərək götürülmüşdür.

Yabanı halda bitmiş 885 kiloqram çəkidə 4783 ədəd çətənə kolu aşkar edilərək məhv edilmişdir
11 iyun 2021

Tovuz RPŞ əməkdaşlarının keçirdikləri “Xaşxaş-2021” şərti adlı kompleks əməliyyat-axtarış və profilaktik tədbirlər nəticəsində Hunanlar kəndi ərazisində yabanı halda bitmiş 885 kiloqram çəkidə 4783 ədəd çətənə kolu aşkar edilərək məhv edilmişdir. 

Kultivasiya yolu ilə yetişdirilmiş 19 ədəd çətənə kolu aşkar edilərək götürülmüşdür
11 iyun 2021

Yevlax RPŞ əməkdaşlarının keçirdikləri “Xaşxaş-2021” şərti adlı kompleks əməliyyat-axtarış və profilaktik tədbirlər nəticəsində şəhər sakini, əvvəllər məhkum olunmuş İ.Səlimova məxsus həyətyanı sahədən kultivasiya yolu ilə yetişdirilmiş 19 ədəd çətənə kolu aşkar edilərək götürülmüşdür. 

Bərdə rayonunun Mustafaağalı kəndi ərazisində yol-nəqliyyat hadisəsi
11 iyun 2021

İyunun 11-də saat 23 radələrində Bərdə rayonunun Mustafaağalı kəndi ərazisində kənd sakini M.İsmayılov idarə etdiyi “VAZ-2106” markalı avtomobillə yolun kənarında dayanmış kənd sakini Qubad Bayramovu vurmuş və nəticədə piyada aldığı xəsarətlərdən hadisə yerində ölmüşdür.
Bərdə RPŞ tərəfindən araşdırma aparılır. 

Virtual Karabakh Karabakh Justice for khojaly