Axtarış

Azərbaycan Respublikasının Daxili İşlər Nazirliyi Azərbaycan Respublikasında ictimai qaydanın və ictimai təhlükəsizliyin təmin edilməsi, cinayətlərin qarşısının alınması və açılması sahəsində Azərbaycan Respublikasının qanunları ilə müəyyən edilmiş səlahiyyətləri həyata keçirən mərkəzi icra hakimiyyəti orqanıdır.
Press-relizlər Kriminal xronika Məlumatlar
Nərimanov rayonunda narkotik vasitələrin satışı ilə məşğul olan 3 nəfər saxlanılıb
02 avqust 2021Nərimanov Rayon Polis İdarəsinin 16-cı Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində əvvəlcə narkotik vasitələrin qanunsuz dövriyyəsi ilə məşğul olan 3 nəfər saxlanılıb. Əməliyyat zamanı Bakı şəhər sakinləri Cavid Abbasov, Telman Rəsullu və Taleh Hüseynov tutulublar. Bu şəxslərin üzərlərinə və evlərinə baxış zamanı hazır bükümlər şəkildə satış üçün qablaşdırılan heroin və metamfetamin, elektron tərəzilər və satışı qadağan edilən psixotrop tərkibli “Metadon”  həəbləri aşkar edilib. Saxlanılan şəxslər izahatlarında narkotik vasitələrin qanunsuz dövriyyəsi və satışı ilə məşğul olduqlarını etiraf ediblər.

Faktlarla bağlı Nərimanov Rayon Polis İdarəsində Cinayət Məcəlləsinin müvafiq maddəsi ilə cinayət işləri başlanılıb. Cavid Abbasov, Telman Rəsullu və Taleh Hüseynov tutularaq istintaqa cəlb olunublar.

Abşeron rayonunda narkotik vasitələrin satışı ilə məşğul olan 5 nəfər saxlanılıb
02 avqust 2021Polis əməkdaşları tərəfindən narkotik vasitə, eləcə də, psixotrop maddələrin qanunsuz dövriyyəsi ilə məşğul olan şəxslərin aşkar edilərək məsuliyyətə cəlb edilmələri istiqamətində əməliyyatlar davam etdirilir. Abşeron Rayon Polis İdarəsi və Qobu Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində rayonun müxtəlif ərazilərində narkotik vasitələrin və psixotrop maddələrin qanunsuz dövriyyəsi və satışı ilə məşğul olan 5 nəfər tutulub.

Belə ki, əməliyyat zamanı Abşeron rayon sakinləri Rahinc Əhmədov, Vüsal Əliyev, Orxan Abdullayev, Pərviz İslamov və Ələkbər Carıyev tutularaq istintaqa təqdim olunublar. Bu şəxslərin üzərlərinə və evlərinə baxış zamanı heroin, psixotrop maddə olan metamfetamin və elektron tərəzilər aşkar edilərək götürülüb. Saxlanılan şəxslər izahatlarında narkotik vasitələrin qanunsuz dövriyyəsi və satışı ilə məşğul olduqlarını etiraf ediblər.

Faktlarla bağlı Abşeron Rayon Polis İdarəsində araşdırmalar başlanılıb. Adları sadalanan şəxslər tutularaq istintaqa cəlb olunublar. Abşeron  rayonu ərazisində narkotik vasitələrin qanusuz dövriyyəsinin qarşısının alınması istiqamətində Rayon Polis İdarəsinin əməkdaşları tərəfindən əməliyyat tədbirləri davam etdirilir.
Xətai rayonu ərazisindəki evlərin birindən 4800 ABŞ dolları və 20000 manat dəyərində qızıl-zinət əşyaları oğurlamaqda şübhəli bilinən A.Qocayeva saxlanılmışdır
01 avqust 2021Xətai RPİ 36-cı PB əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evlərin birindən 4800 ABŞ dolları və 20000 manat dəyərində qızıl-zinət əşyaları oğurlamaqda şübhəli bilinən Bakı şəhər sakini A.Qocayeva müəyyən edilərək saxlanılmışdır.
Lənkəran şəhəri ərazisindəki mağazalardan birinin satıcısının çantasından pul oğurlamaqda şübhəli bilinən rayon sakini V.İbadova saxlanılmışdır
01 avqust 2021Lənkəran ŞRPŞ əməkdaşlarının keçirdikləri əməliyyat-axtarış tədbirləri nəticəsində şəhər ərazisindəki mağazaların birində satıcı G.Abbasovanın çantasından 1930 manat pul oğurlamaqda şübhəli bilinən rayon sakini V.İbadova saxlanılmışdır. Şəxsi axtarış zamanı ondan heroin və metamfetamin aşkar edilərək götürülmüşdür.
Lənkəran rayonunda saxlanılan R.İbrahimovdan heroin və metamfetamin götürülmüş, narkotik vasitələri ona satmaqda şübhəli bilinən R.Əzizov da saxlanılmışdır
01 avqust 2021Lənkəran ŞRPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Şilavar kənd sakini R.İbrahimov saxlanılmışdır. Şəxsi axtarış zamanı ondan 526 qramdan artıq heroin və 109 qrama yaxın metamfetamin aşkar edilərək götürülmüşdür.

Davam etdirilən tədbirlərlə narkotik vasitəni ona satmaqda şübhəli bilinən həmkəndlisi, əvvəllər məhkum olunmuş R.Əzizov da müəyyən edilərək saxlanılmışdır. Şəxsi axtarış zamanı ondan 562 qrama yaxın heroin və elektron tərəzi götürülmüşdür.

Sabunçu rayonu ərazisində iki evdən oğurluq etməkdə şübhəli bilinən şəxslər saxlanılmışlar
01 avqust 2021Sabunçu RPİ 15-ci PB əməkdaşlarının keçirdikləri əməliyyat tədbirləri nəticəsində rayon ərazisində iki evdən televizor, məişət əşyaları və təmir-tikinti alətləri oğurlamaqda  şübhəli bilinən  Bakı şəhər sakinləri, əvvəllər məhkum olunmuş R.Rüstəmov və M.Əliyev saxlanılmışlar.
Yardımlı rayonunun Zövin kəndində yaşayan R.Beybudovun evindən narkotik vasitələr aşkar edilərək götürülmüşdür
01 avqust 2021Yardımlı RPŞ əməkdaşlarının daxil olmuş məlumat əsasında Zövin kəndində yaşayan əvvəllər məhkum olunmuş R.Beybudovun evində keçirdikləri əməliyyat-axtarış tədbiri nəticəsində oradan 3 kiloqramdan artıq tiryək, 2 kiloqram 210 qram metamfetamin və 48 ədəd metadon həbi aşkar edilərək götürülmüşdür.
Virtual Karabakh Karabakh Justice for khojaly